Татарстан Республикасы буенча Роспотребнадзор идарәсендә Түбән Камада иртәнге һава пробалары нәтиҗәләре турында сөйләделәр.
"Алынган һава пробаларын лаборатор тикшерү нәтиҗәләре гигиена нормативларына туры килә. Хәзерге вакытта янгын һәм төтен юк», – дип сөйләделәр ведомствода.
Татар-информ хәбәр итүенчә, экологлар шулай ук иртәнге пробаларда һаваны пычрата торган куркыныч матдәләр тапмаган.
Сүз уңаеннан, хәзерге вакытта Татарстанда “Экологик иминлек” илкүләм проекты гамәлгә ашырыла.