2026 елның гыйнвар-февраль айларында Татарстан тупланма бюджетына салым һәм салым булмаган керемнәр 84,5 миллиард сум тәшкил иткән.
Бу хакта республиканың финанс министры урынбасары Алла Анфимова әйтте. “Шул исәптән, 71,1 миллиард сум – республика бюджетына, 13,4 миллиард сум – җирле бюджетларга кергән”, – диде ул. Алла Анфимова сүзләренә караганда, узган елның шушы ук чоры белән чагыштырганда, тупланма бюджетка керемнәр 0,5 миллиард сумга, ягъни 0,6 процентка арткан.
Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.